هاو زاراوه گه ی به دره و خانه قین - پێکهێنانی سمینارێکی سیاسی بۆ به‌ڕێز کاک مسته‌فا شڵماشی له‌ شاری فرانکفۆرت

پێکهێنانی سمینارێکی سیاسی بۆ به‌ڕێز کاک مسته‌فا شڵماشی له‌ شاری فرانکفۆرت

رۆژی 05.03 2008 له‌ لایه‌ن کومیته‌ی ئاڵمانی حیزبی دیمۆکراتی کوردستان سمینارێک له‌ شاری فرانکفۆرت له‌سه‌ر ئاکامه‌کانی کۆنگره‌ی 14 و روانگه‌ی حیزب سه‌باره‌ت به‌ پرسه‌ سیاسی‌یه‌کانی ناوچه‌ و رۆژهه‌ڵاتی کوردستان

بۆ کاک مسته‌فا شڵماشی ئه‌ندامی ده‌فته‌ری سیاسی حیزب پێک‌هات. له‌و سمیناره‌ دا نوێنه‌ری چه‌ندین حیزبی کوردستانی و ئێرانی به‌شداریان هه‌بوو و له‌ لایه‌ن به‌شێکی به‌رچاو له‌ کوردانی دانیشتووی فرانکفۆرت و ده‌ورووبه‌ر پێشوازی گه‌رمی لێکرا. سمیناره‌که‌ به راگه‌یاندنی ده‌قیقه‌یه‌ک بێده‌نگی بۆ رێز له‌ یادی شه‌هیدانی رزگاری کوردستان و به‌خێرهاتن کردنی گه‌رمی به‌شداران له‌ لایه‌ن به‌ڕێوه‌به‌ری سمینار کاک ره‌حمان قوربانی‌ کرایه‌وه‌. پاشان به‌ڕێز کاک مسته‌فا شڵماشی له‌گه‌ڵ ئاوڕدانه‌وه‌یه‌کی کوورت به‌ رابوردوو، به‌ وردی شێوه‌ی ئاماده‌کاری‌یه‌کان و چه‌ندوچۆنی وئاکامه‌کانی کۆنگره‌ی 14ی بۆ به‌شداربوان هێنایه‌ به‌ر باس. کاک مسته‌فا له‌ به‌شێک له‌ قسه‌کانی دا ئاماژه‌ی به‌وه‌ کرد که لایه‌نه‌ سیاسی‌یه‌کانی رۆژهه‌ڵاتی کوردستان ده‌بێ رێگای دیالۆگ و لیک‌نیزیک بوونه‌وه‌ بگرنه‌ پێش و‌ سه‌رده‌می هه‌ژموونی‌خوازی رێکخراوه‌یی به‌سه‌ر چووه‌ و ته‌نیا پێکهێنانی زه‌مینه‌ی هاوکاری هێزه‌ سیاسی‌یه‌کان و به‌ هێند گرتنی بیروڕای خه‌ڵکی کوردستان ده‌توانێ جووڵانه‌وه‌ی نه‌ته‌وایه‌تیی رۆژهه‌ڵاتی کوردستان به‌ره‌و پێش به‌رێ.
له‌ به‌شی دووهه‌م دا به‌شیکی زۆر له‌ به‌شدارانی سمینار ڕا و بۆچوونی خۆیان له‌سه‌ر کۆنگره‌ی 14ی حیزبی دیمۆکراتی کوردستان ده‌ربڕی و کۆمه‌ڵێک پرسیاری گرینگ و پێوه‌ندیدار به‌ کۆنگره‌یان هێنایه‌ به‌رباس که‌ له‌ لایه‌ن کاک مسته‌فا شڵماشی‌یه‌وه‌ به‌ پووختی جوابی پرسیاره‌کان درایه‌وه‌.
s.frankfort.jpg

+ نوشته شده در سه شنبه 17 اردیبهشت1387ساعت 13:59 توسط ‌‌‌‌ا‌‌حمه د پاڵانی |